Oopss! Bago ko makalimutan na naman! Maraming salamat nga pala sa hostee ko na si Reyn sa christmas card na pinadala nya. Hindi ko yun inaasahan na magpadala sya ng card thru post mail kasi diba bihira nalang ang nagpapadala ng ganun dahil sa laganap na ang teknolohiya sa mundo kaya sayo reyn maraming salamat talaga :hug:

grabe miss na miss ko na ang aking munting tahanan dito sa mundo ng internet. Sobrang busy talaga ako sa work at sa medical namin. Kahapon kami naka sched for medical exam. Aga kong gumising eh 3am kasi sabi daw madaming tao at paunahan ng dating ang basehan kaya syempre 1st time kaya kailangan on time. Nag-isip ako pano makarating dun. ako naman si tanga hindi ko binasa maigi yung address kaya napunta kami sa main ng St. Lukes Medical Center hindi ko alam na dalawa pala yung St. Lukes isang main at isang extension at dun kami sa extension dapat, sa may taft yun kaya malayo pa kami. Habang sa loob ng taxi naglalakbay na naman ang isip ko pano kung ma-late kami? Baka pabalikin kami or ipa-resched or pano kung maging dahilan ng pagka-deny ng visa? oh noh! nakow pow sayang oras at pagod at pera pag nagkaganun :yikes: Mabuti nalang at 20 mins before 7:00am eh nakarating na kami at hindi naman ganun kahaba ang pila dahil nasa loob na lahat

Padating sa loob nakow ang daming forms na binigay sakin at lahat pupunan ko ng sagot. Nataranta ako dahil isa akong tanyag na malilimutin. Hindi ko kabisado ang address ni luvski at ni val sa chicago pati mga fone numbers nila. Pati yung bahay ng pinsan ko kung saan naka c/o kami. Pati narin birthday ko at birthday ni yuna hahaha nakakatawa ano? Actually alam ko kaso nalimutan ko lang kasi nagcram na ako dahil tatlong numero nalang matatawag na yung numero namin. At 1st page palang ng form ang nasasagutan ko :angry: Pano kasi hindi ko dala lahat ng documents sinadya kong hindi dalhin lahat dahil natatakot akong baka malimutan ko sa dami ng dala. Dinala ko lang kung ano ang ni-required dalhin. Kaya ayun wala akong mapagbasehan na information sa application forms namin. Buong araw kami kahapon dun sa St. Lukes nakalabas kami 4:30 na at hindi pa tapos ang papers namin. Kailangan bumalik the 2nd day at ngayon ang araw na yun. Kailangan mong ikutin ang buong floors ng St. Lukes mula ground flr to 5th floor akyat baba ka. Actually, madaming kapalpakan ang nangyari isa na dun ang sa pictures namin ni yuna. Sana nagdala ako ng extra pictures namin. Yan tuloy nagpa-pictures pa ako ulet dun sa labas ng center. Pano naman kasi ang nakalagay sa instruction na kailangan dalhin eh: Appointment letter from US embassy, passport and ONE US Visa photograph. Yun pala kailangan nila tatlo! Ang hirap talagang maging Amerikano! :muted:

Ngayon ang 2nd day ng medical, maayos na ngayon wala ng masyadong tao. Kasi yung iba tapos na kahapon palang :grin: (bagal ko noh!). Pero ngayon maaga din kaming natapos nakalabas kami mga 2:30pm. De ko alam na 2 days pala ang bubunuin ko sa medical kaya kailangan kong madaliin ang taxi na maabutang bukas pa ang NSO para kunin ang CENOMAR copy ko kasi ngayong araw din ang released. Paalam ko kasi sa work 2 days lang absent ko pero sa kasamaang palad kailangan ko ulet mag-absent bukas. Lechugas naman kasi itong NSO 2 weeks kang pag-aantayin sa docu mo. Tapos palpak at kailangan mo pang balikan kinabukasan. Mali kasi yung address na nilagay nila pano nangyari yun diba? eh may record na nga ako sa nso. Bwisit talaga!

Pero yaan na atleast naka survive na ako sa nakakapagod na medical! Ika nga diba pag may nais ka, paghirapan mo! Yun! yun eh! Interview nalang weeeee lapit nahhhh! Sana hindi ma-deny! Wish me luck guys! At salamat sa lahat ng dumalaw at nagparamdam dito sa aking tahanan :puckerup::hug:

Pahabol ulet: Maraming thank you kay kitty for these cute scrap arts!